SAHAR

کراچی پولیس کا کہنا ہےکہ ڈیفنس کالونی سے کالعدم تحریک طالبان پاکستان کے چار خطرناک دہشت گردوں کو گرفتار کر لیا گیا ہے

کراچی ساؤتھ کے ڈپٹی انسپکٹر جنرل پولیس جمیل احمد نے بتایا کہ خفیہ اطلاع کے مطابق کراچی کے علاقے ڈیفنس میں چھاپہ مارا گیا اور چار دہشت گردوں کو گرفتار کر لیا گیا - ڈی آئی جی ساؤتھ کراچی کے مطابق یہ دہشت گرد خودکش حملے کی تیاری کر رہے تھے -

ڈی آئی جی جمیل احمد نے بتایا کہ پو لیس نے دہشت گردوں کے قبضے سے بال بیرنگ پر مشتمل ایک بیگ ، خودکش جیکٹیں، اور چار کلو گرام دھماکہ خیز مواد بھی برآمد کیا ہے ان دہشت گردوں کے قبضے سے چار پستولیں بھی ضبط کی گئی ہیں -

پولیس کا کہنا کہ مذکورہ دہشت گردوں پر فرقہ وارانہ اور ٹارگٹ کلنگ کے ساتھ ساتھ دوہزار گیارہ میں گھاس منڈی میں ہونے والے دھماکے میں بھی ملوث ہونے کا شبہ ہے جس میں پندرہ افراد جاں بحق ہوگئے تھے -