SAHAR

پاکستان کے مختلف علاقوں میں زلزلے کے شدید جھٹکے محسوس کئے جانے کی خبریں ہیں-

پاکستانی ذرائع سے موصولہ رپورٹوں کے مطابق مالا کنڈ ڈویژن، نونیر اور چترال سمیت گرد و نواح کے علاقوں میں زلزلے کے شدید جھٹکے محسوس کئے گئے ہیں۔

ریکٹر اسکیل پر زلزلے کی شدت پانچ ریکارڈ کی گئی، زلزلے کا مرکز افغانستان اور تاجکستان کا سرحد ی علاقہ تھا جب کہ زمین میں اس کی گہرائی اسی کلومیٹر ریکارڈ کی گئی۔

زلزلے کے باعث لوگ خوف و و حشت سے اپنے گھروں اور دفاتر سے باہر نکل آئے- زلزلے کے نتیجے میں تاحال کسی جانی و مالی نقصان کی اطلاعات موصول نہیں ہوئی ہیں۔

قابل ذکر ہے کہ گزشتہ برس چھبیس اکتوبر کو آنے والے زلزلے کے بعد سے پاکستان کے مختلف علاقوں میں اب تک سو سے زائد مرتبہ زلزلے کے جھٹکے محسوس کئے جا چکے ہیں۔