SAHAR

پاکستان کے صوبے خیبر پختونخوا میں مزید تہتّر دہشت گردوں کو گرفتار کر لیا گیا۔

پاکستان کے میڈیا ذرائع نے رپورٹ دی ہے کہ صوبے خیبر پختونخوا کے صدر مقام پشاور میں دہشت گردوں اور مسلح افراد کے خلاف ہفتے کی رات تک جاری رہنے والے آپریشن کے دوران مزید تہتّر افراد کو گرفتار کر لیا گیا۔ پاکستان کے سیکورٹی حکام نے اس جانب اشارہ کرتے ہوئے کہ شہر پشاور میں گرفتار کئے جانے والے افراد کا تعلق افغانستان سے ہے، کہا ہے کہ آپریشن کے دوران کافی مقدار میں اسلحہ اور گولہ بارود بھی برآمد کیا گیا۔

اس سے قبل پاکستان کی فوج نے صوبے خیبرپختونخوا سے ایک سو پینسٹھ دہشت گردوں کو گرفتار کرنے کا اعلان کیا تھا۔ واضح رہے کہ گذشتہ ہفتے پشاور میں ایک مسجد پر ایک مسلح گروہ کے حملے میں اٹھارہ نمازی زخمی ہو گئے تھے۔