پاکستان، بلوچستان یونیورسٹی کے باہر دھماکے میں دوپولیس اہلکار ہلاک متعدد زخمی
May ۱۰, ۲۰۱۶ ۱۷:۲۶ Asia/Tehran
پاکستان کے صوبہ بلوچستان کے شہرکوئٹہ میں بلوچستان یونیورسٹی کے باہر دھماکے میں دوپولیس اہلکار ہلاک اور متعدد اہلکاروں سمیت پانچ افراد زخمی ہوگئے
پاکستانی میڈیانے خبر دی ہے کہ کوئٹہ میں بلوچستان یونیورسٹی کے باہرانتہائی زوردار دھماکہ ہوا جس کی آواز دور دور تک سنی گئی - دھماکے میں دو پولیس اہلکار ہلاک اور پانچ افراد زخمی ہوئے جن میں تین پولیس اہلکار بھی شامل ہیں - اس دھماکے سے قریب کی عمارتوں اور آس پاس کھڑی گاڑیوں کو بھی نقصان پہنچا -
-بلوچستان کے وزیرداخلہ سرفرازبگٹی نے صحافیوں سے گفتگو کرتے ہوئے کہا کہ دھماکے میں دوپولیس اہلکار ہلاک اور تین دیگر زخمی ہوئے ہیں جبکہ دوعام شہری بھی زخمی ہوئے ہیں - ان کا کہنا تھا کہ دھماکہ سریاب روڈ پر واقع بلوچستان یونیورسٹی کےگیٹ کے باہر ہوا -
