SAHAR

پاکستان کی فوج نے کراچی شہر میں دہشت گردوں کے خلاف وسیع آپریشن کی خبر دی ہے۔

ڈان نیوز کی ویب سائٹ کی رپورٹ کے مطابق پاکستانی فوج نے ہفتے کے دن کہا کہ کراچی شہر کے مختلف علاقوں میں فوج کے وسیع آپریشن کے دوران بارہ دہشت گردوں کو گرفتار کیا گیا ہے اور دہشت گردوں کے ٹھکانوں سے بھاری مقدار میں ہتھیار بھی برآمد ہوئے ہیں جن کو فوج نے اپنی تحویل میں لے لیا ہے۔

اس سے قبل جمعے کے دن نامعلوم مسلح افراد نے کراچی کے مختلف علاقوں میں عام شہریوں پر فائرنگ کر کے دو افراد کو موت کے گھاٹ اتار دیا اور آٹھ کو زخمی کر دیا تھا۔

کراچی پاکستان کا ساحلی شہر ہے جو کہ اس ملک کی اقتصادی شہ رگ بھی شمار ہوتا ہے ۔ اس شہر میں مسلح گروہوں نے کافی عرصے سے بدامنی پھیلا رکھی ہے۔