پاکستان: نماز عید کے موقع پر خودکش حملہ
Sep ۱۳, ۲۰۱۶ ۰۹:۴۴ Asia/Tehran
سندھ کے شھرخانپور امام بارگاہ میں نماز عید کے موقع پرخود کش حملے میں 8 افراد زخمی ہوگئے ۔
پاکستان کے صوبہ سندھ کے شھرخانپور امام بارگاہ میں نماز عید کے موقع پر دو خود کش حملہ آوروں میں سے ایک نے تلاشی کے دوران خود کو اڑا لیا جس کے نتیجے میں تین اہلکاروں سمیت آٹھ افرادزخمی ہوگئے جبکہ ایک دہشتگرد کو زندہ گرفتار کرلیاگیا۔
رپورٹ کے مطابق نماز کی ادائیگی کے دوران دو دہشتگردوں نے امام بارگاہ میں داخل ہونے کی کوشش کی تو پولیس نے اُنہیں روک لیا اور مزاحمت کا سامنا ہونے پر ایک دہشتگرد نے خود کو اڑا لیا جبکہ دوسرے دہشتگرد سے بارودی مواد برآمد کرکے زخمی حالت میں نامعلوم مقام پر منتقل کردیاگیا۔
زخمی ہونی والے پولیس اہلکاروں میں سے ایک کی حالت تشویشناک ہے ۔
