کراچی: افغان قونصل خانے میں فائرنگ ایک ہلاک ایک زخمی
Feb ۰۶, ۲۰۱۷ ۱۱:۴۰ Asia/Tehran
کراچی میں افغان قونصل خانے میں فائرنگ کے نتیجے میں ایک شخص کی ہلاکت اور ایک کے شدید زخمی ہونے کی اطلاعات موصول ہو رہی ہیں۔
ہمارے نمائندے کی رپورٹ کے مطابق فائرنگ کا سلسلہ تقریبا ً30 سے 45 منٹ سے جاری ہے اور اس کے نتیجے میں ایک شخص کے ہلاک اور ایک شخص کے زخمی ہونے کی اطلاعات بھی ہیں۔
ذرائع کا کہنا ہے کہ فائرنگ کے واقعے کی اطلاع ملنے پر رینجرز اور پولیس کی بھاری نفری نے موقع پر پہنچ کر قونصل خانے اور اطراف کے علاقوں کو گھیرے میں لے لیا ہے اور سرچ آپریشن شروع کر دیا گیاہے۔
کہا جا رہا ہے کہ افغان قونصل خانے میں فائرنگ وہاں کے گارڈ نے کی۔
