ہندوستانی ڈپٹی ہائی کمشنرپاکستانی دفتر خارجہ میں طلب
Feb ۱۵, ۲۰۱۷ ۰۹:۰۳ Asia/Tehran
پاکستان کا ہندوستان سےلائن آف کنٹرول کی خلاف ورزی کرنے پر احتجاج
ترجمان دفترخارجہ کے مطابق پیر کے دن ہندوستانی فورسز کی جانب سے لائن آف کنٹرول کی خلاف ورزی کرنے پر ہندوستانی ڈپٹی ہائی کمشنر کو دفتر خارجہ طلب کیا گیا اور ہندوستانی ڈپٹی ہائی کمشنر کو احتجاجی مراسلہ دیا گیا جس میں کہا گیا کہ گزشتہ روز بھمبر سیکٹر میں ہندوستانی فوج نے فائرنگ کی جس سے پاکستانی فوجی ہلاک ہوئے تھے، ہندوستان 2003 کے سیزفائر معاہدے کی خلاف ورزی کر رہا ہے، ہندوستان سیز فائر معاہدے کی پاسداری کرے۔
واضح رہے پیر کے روز ہندوستانی فوج کی جانب سے لائن آف کنٹرول پر فائرنگ کے نتیجے میں پاکستانی فوج کے زخمی ہونے والے تینوں اہلکار ہلاک ہوگئے تھے۔
واضح رہے کہ پاکستان اور ہندوستان ایک دوسرے پرلائن آف کنٹرول کی خلاف ورزی کا الزام عائد کرتے رہتے ہیں۔
