پاکستان: جماعت الاحرارکے 6 دہشتگرد ہلاک
Feb ۱۶, ۲۰۱۷ ۰۷:۴۲ Asia/Tehran
خانیوال میں دہشت گردوں اور سکیورٹی فورسز کے مابین فائرنگ سے6 دہشتگرد ہلاک ہو گئے
کاؤنٹر ٹیررازم ڈیپارٹمنٹ نے خانیوال کے علاقے چک 98 میں 9 سے 10 دہشت گردوں کی موجودگی کی اطلاع پر چھاپہ مار کارروائی کی جس کے نتیجے میں دہشت گردوں نے فائرنگ شروع کردی۔ دوطرفہ فائرنگ کے تبادلے میں 6 دہشت گرد موقع پر ہی مارے گئے جب کہ اندھیرے کا فائدہ اٹھاتے ہوئے 3 سے 4 دہشت گرد فرار ہونے میں کامیاب ہوگئے۔
سیکیورٹی ذرائع کے مطابق ہلاک ہونے والے دہشت گردوں کا تعلق کالعدم تکفیری گروہ تحریک طالبان جماعت الاحرار گروپ سے ہے جب کہ فرار دہشت گردوں کی گرفتاری کے لئے کوششیں شروع کردی گئی ہیں۔
