SAHAR

کراچی میں بکرا پیڑی کے علاقے میں پولیس کے ساتھ مقابلے میں 8 دہشت گرد ہلاک ہو گئے۔

ایس ایس پی ملیر راؤ انوار کا کہنا ہے کہ ملیر کے علاقے بکرا پیڑی میں دہشت گردوں کی موجودگی کی اطلاع پر خفیہ کارروائی کی گئی، پولیس نفری کو دیکھتے ہی دہشت گردوں نے فائرنگ کردی تاہم پولیس نے علاقے کا محاصرہ کرنے کے بعد مقابلے میں 8 دہشت گردوں کو ہلاک کردیا۔

ایس ایس پی ملیر کے مطابق ہلاک دہشت گردوں میں سے 2 کی شناخت گل زمان اور تاج محمد کے ناموں سے ہوئی ہے جب کہ دہشت گردوں کا تعلق کالعدم ٹی ٹی پی اور جند اللہ گروپ سے تھا۔ دہشت گردوں کے قبضے سے لیپ ٹاپ، دستی بم اور دیگر اسلحہ بھی برآمد ہوا۔