SAHAR

ارنا کی رپورٹ کے مطابق مجلس وحدت مسلمین پاکستان کے سربراہ علامہ راجہ ناصر عباس جعفری نے جمعرات کو اسلام آباد میں ایک پریس کانفرنس سے خطاب کرتے ہوئے اس ملک میں شیعہ گمشدگان کی رہائی کے سلسلے میں حکومت پاکستان کی بےتوجہی اور خاموشی پر تنقید کرتے ہوئے کہا کہ ابھی تک نہ صرف یہ کہ گمشدگان کا مسئلہ حل نہیں ہوا ہے بلکہ یہ شیعہ مسلمانوں کے لئے باعث تشویش بن گیا ہے-

مجلس وحدت مسلمین کے سربراہ نے پاکستان سپریم کورٹ سے درخواست کی کہ وہ دہشتگرد گروہوں کے ہاتھوں شیعہ گمشدگان کی رہائی کی کوشش کرے-

علامہ راجہ ناصر عباس جعفری نے کشمیر کی بحرانی صورت حال پر تشویش کا اظہار کرتے ہوئے اس علاقے کے مسلمانوں کے سلسلے میں ہندوستان کے جارحانہ رویے پر تنقید کی اور کہا کہ حکومت پاکستان کو چاہئے کہ کشمیری مسلمانوں کی تشویش دور کرنے کے لئے مختلف ممالک میں سفارتی وفود روانہ کرے-

پاکستان میں گمشدگان کے تحقیقاتی کمیشن نے رواں سال کے شروع میں اعلان کیا تھا کہ ملک کے مختلف علاقوں سے پانچ ہزار سے زیادہ افراد کو اغوا کیا گیا ہے-