SAHAR

پاکستان ڈیمو کریٹک موومنٹ آج کراچی کے باغ جناح میں سیاسی قوت کا مظاہرہ کرے گی ۔

پی ڈی ایم نے حکومت کے خلاف جلسوں اور مارچ کا اعلان کرتے ہوئے کہا ہے کہ فیصلہ کن تحریک کے لیے ستمبر کے اوائل میں پی ڈی ایم کا اجلاس ہوگا جس میں ملک گیر جلسوں اور کاروان مارچ کا شیڈول جاری کیا جائے گا۔ اس سلسلے میں آج کراچی کے باغ جناح میں ایک جلسہ عام بھی منعقد کیا جا رہا ہے جس سے پی ڈی ایم کی مرکزی قیادت خطاب کرے گی ۔

جے یو آئی ترجمان کے مطابق جلسہ گاہ میں بڑا اسٹیج تیارکیا گیا ہے جس پر 500 افراد بیٹھ سکیں گے جبکہ پنڈال میں ایک لاکھ کرسیاں لگائی گئی ہیں، جلسہ میں جے یوآئی کے 10 ہزار رضا کار سیکیورٹی پر مامور ہوں گے۔