SAHAR

پاکستانی فضائیہ کا ایک تربیتی طیارہ گر کر تباہ ہو گیا۔

پاکستانی فضائیہ کے ترجمان نے بدھ کو جاری کردہ ایک بیان میں کہا ہے کہ فضائیہ کا تربیتی طیارہ صوبہ خیبرپختونخوا کے علاقے مردان میں گرکر تباہ ہوا۔ ترجمان کے مطابق طیارہ معمول کی تربیتی پرواز کے دوران گر کر تباہ ہوا۔

میڈیا ذرائع کے مطابق طیارے کا پائلٹ طیارہ گرنے سے پہلے باہر نکلنے میں کامیاب ہوگیا جبکہ ایک شخص ہلاک ہو گیا۔

پاکستانی فضائیہ کے ترجمان کا کہنا ہے کہ واقعے کی وجوہات جاننے کے لیے ایئر ہیڈ کوارٹرز نے اعلیٰ سطح کا بورڈ تشکیل دے دیا۔

 گزشتہ مہینے بھی پاکستانی فضائیہ کا ایک تربیتی طیارہ دارالحکومت اسلام آباد کے قریب گرکر تباہ ہوا تھا تاہم اس میں کوئی جانی نقصان نہیں ہوا تھا۔