شہباز شریف سے آصف علی زرداری کی ملاقات+ ویڈیو
پاکستان کے وزیر اعظم شہباز شریف سے شریک چیئرمین پیپلز پارٹی آصف زرداری اور نگران وزیراعلیٰ پنجاب محسن نقوی نےملاقات کی اور ملک کی موجودہ سیاسی اور معاشی پیچیدہ صورتحال پر تبادلہ خیال کیا۔
سحرنیوز/پاکستان: ڈان اخبار کی رپورٹ کے مطابق پاکستان کے وزیراعظم شہباز شریف سے سابق صدر آصف زرداری نے ملاقات کی۔
وزیراعظم آفس کے مطابق دونوں رہنماؤں نے ملاقات کے دوران ملک کی مجموعی صورتحال پر تبادلہ خیال کیا۔
اجلاس میں وزیر خزانہ اسحٰق ڈار، وزیر ہوا بازی سعد رفیق، وزیر اقتصادی امور سردار ایاز صادق اور پیپلز پارٹی کے رہنما سلیم مانڈوی والا اور ڈاکٹر عاصم حسین نے شرکت کی۔
پیپلزپارٹی کے ذرائع نے بتایا کہ ملاقات کے دوران موجودہ سیاسی صورتحال، معیشت اور پنجاب اور خیبرپختونخوا کے انتخابات زیر بحث آئے۔
ذرائع نے بتایا کہ یہ فیصلہ ہونا ابھی باقی ہے کہ آیا حکمران اتحاد پاکستان ڈیموکریٹک موومنٹ میں شامل جماعتیں دونوں صوبوں میں انتخابات لڑیں گی جوآئین کے مطابق اسمبلیوں کی تحلیل کے بعد تین ماہ کے اندر منعقد کرانا ہوں گے۔
