SAHAR

پاکستان کے بیشتر علاقوں میں آج بھی موسم شدید گرم اور خشک رہنے کا امکان ہے۔

سحرنیوز/پاکستان: پاکستانی میڈیا کے مطابق آج دن میں ملک کے بیشتر علاقوں میں گرمی کا زور ضرور برقرار رہے گا تاہم شام اور رات میں آسلام اباد، پنجاب کے بعض علاقوں، بالائی خیبرپختونخوا، کشمیر اور گلگت بلتستان میں کہیں کہیں بارش کا امکان ہے۔ منگل کو ملک میں سب سے زیادہ درجہ حرارت سبی میں اڑتالیس ڈگری سینٹی گریڈ ریکارڈ کیا گیا۔ درجہ حرارت گوجرانوالہ میں سینتالیس, منڈی بہاء الدین اور دادو میں چھالیس لاہور، سرگودھا، تربت اور بنوں میں پینتالیس جبکہ ملتان، ساہیوال اور فیصل آباد میں تینتالیس ڈگری ریکارڈ کیا گیا۔
مظفر آباد میں بیالیس، اسلام آباد میں اکتالیس، پشاور میں اڑتیس، کراچی میں چھتیس، کوئٹہ میں پینتیس اور گلگت میں چونتیس ڈگری سینٹی گریڈ ریکارڈ کیا گیا۔