SAHAR

پاکستان اپنی ضرورت کی 27 فیصد بجلی ہندوستان کے زیر انتظام کشمیر سے آنے والے دریاؤں سے حاصل کرتا ہے۔

پاکستانی حکام کے مطابق، ملک میں 9 ہزار میگاواٹ سے زائد کے پن بجلی منصوبے قائم کیے گئے ہیں، جو سالانہ تقریباً 120 ارب یونٹ بجلی فراہم کرتے ہیں۔

ان میں سے 27 فیصد بجلی دریائے سندھ اور دریائے جہلم کے پانی سے پیدا ہوتی ہے۔ تربیلا، منگلا، نیلم جہلم، کیروٹ اور غازی بروتھا جیسے اہم پن بجلی منصوبے انہی دریاؤں پر لگے ہیں۔

پاکستانی حکام نے خبردار کیا ہے کہ ہندوستان کی آبی جارحیت جاری رہی تو ان منصوبوں سے بجلی کی پیداوار متاثر ہو سکتی ہے، جس کے سنگین نتائج برآمد ہو سکتے ہیں۔