Jun ۰۵, ۲۰۲۵ ۱۸:۴۹ Asia/Tehran
  • شملہ معاہدہ ابھی تک منسوخ نہیں کیا گیا، پاکستانی وزارت خارجہ

پاکستانی میڈیا کے مطابق وزارتِ خارجہ کے ذرائع کا کہنا ہے کہ شملہ معاہدہ ابھی تک منسوخ نہیں کیا گیا اور ابھی تک تحریری صورت میں ایسی کوئی بات موجود نہیں ہے۔

 سحرنیوز/پاکستان:  وزارت خارجہ کے اس بیان سے قبل پاکستان کے وزیر دفاع خواجہ آصف کا ایک بیان سامنے آیا تھا جس میں انہوں نے ایک نجی ٹی وی چینل سے خصوصی گفتگو میں کہا تھا کہ ہم اب واپس انیس و اڑتالیس والی پوزیشن پر آگئے ہیں، اب شملہ معاہدہ ختم ہو جانے کے بعد کنٹرول لائن، سیز فائر لائن ہو جائے گی۔

انہوں نے، اس کی وجہ ہندوستان کے اقدامات کو قرار دیا تھا اور کہا تھا کہ شملہ معاہدے کی تمام شقیں ختم ہوگئیں۔

خیال رہے کہ پہلگام میں ہوئے دہشتگردانہ حملے کے بعد ہندوستان نے پاکستان کو واقعے کا ذمہ دار قرار دے کر ہوئے انڈس واٹر یا سِند تاس معاہدہ ختم کرنے کا اعلان کر دیا تھا۔ جس کے جواب میں پاکستان نے بھی شملہ معاہدہ ختم کرنے کی دھمکی دی تھی۔  

ٹیگس