پاکستان میں فتح 4 کروز میزائل کا کامیاب تربیتی تجربہ
Sep ۳۰, ۲۰۲۵ ۱۶:۰۹ Asia/Tehran
پاکستان آرمی نے فتح 4 کروز میزائل کا کامیاب تجربہ کر لیا
سحرنیوز/پاکستان: پاکستان آرمی نے ملکی سطح پر تیار کردہ فتح 4 گراؤنڈ لانچڈ کروز میزائل کا کامیاب تربیتی تجربہ کیا ہے، جس کی رینج 750 کلومیٹر ہے۔
آئی ایس پی آر کے مطابق یہ میزائل جدید ایویونکس اور نیویگیشنل نظام سے لیس ہے اور دشمن کے دفاعی نظام کو چکمہ دینے کی صلاحیت رکھتا ہے۔
میزائل کی زمینی سطح کے ساتھ پرواز کی خصوصیت اسے انتہائی درستگی سے اہداف کو نشانہ بنانے کے قابل بناتی ہے۔
پاکستان کے صدرآصف علی زرداری،وزیرِاعظم شہباز شریف، چیئرمین جوائنٹ چیفس آف اسٹاف کمیٹی اور سروسز چیفس نے کامیاب تجربے پر مبارکباد دی ہے -
آئی ایس پی آر کے مطابق فتح 4 میزائل آرمی راکٹ فورس کمانڈ کا حصہ ہے اور اس سے پاکستان آرمی کے میزائل نظام کی صلاحیت میں نمایاں اضافہ ہوگا-
