پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ لانگ مارچ کا فیصلہ برقرار ہے۔

سحرنیوز/پاکستان: اپوزیشن رہنماؤں کے ہمراہ اسلام آباد میں میڈیا سے گفتگو کرتے ہوئے بیرسٹر گوہر کا کہنا تھا کہ سیاسی جماعتوں کا اہم کردار ہے، منزل مضبوط جمہوریت ہے۔

چیئرمین پی ٹی آئی نے کہا کہ کئی تجاویز سامنے رکھی ہیں۔ صوبائی اختیار جمہوریت میں اہم ہے۔ آل پارٹیز کانفرنس پر کام جاری ہے۔

ان کا کہنا تھا کہ وزیراعلیٰ سہیل آفریدی کو بانی پی ٹی آئی کا اعتماد حاصل ہے، سہیل آفریدی ہی وزیراعلیٰ رہیں گے۔ 

بیرسٹر گوہر نے کہا کہ مشترکہ اپوزیشن کی جانب سے دعوت دی گئی ہے۔ سیاسی اختلافات ہوسکتے ہیں لیکن جمہوریت کے لیے متحد ہیں۔ 

اس موقع پر گفتگو کرتے ہوئے پیپلز پارٹی رہنما نیئر بخاری کا کہنا تھا کہ اپوزیشن نے آل پارٹیز کانفرنس کی تجویز دی اور پارٹی چیئرمین سے بات کرنے کی یقین دہانی کروائی ہے۔

اس دوران سینیٹ میں اپوزیشن لیڈر علامہ ناصر عباس کا کہنا تھا کہ بحران میں سیاسی جماعتیں مل بیٹھتی ہیں۔ مشکل وقت ہے، اتحاد کی ضرورت ہے۔ ناامیدی ختم کرنا ضروری ہے۔

ہمیں فالو کریں:  

Follow us: Facebook, X, instagram, tiktok  whatsapp channel