پلاسٹک کے کچرے سے نمٹنے کے لیے نئی اسکیم کا اعلان
برطانوی حکومت کی جانب سے پلاسٹک کے کچرے سے نمٹنے کے لیے ڈپازٹ اسکیم کا اعلان کردیا گیا۔
سحر نیوز/ سائنس اور ٹیکنالوجی: اعلان کی گئی اسکیم کے تحت پلاسٹک کی بوتلوں کا کین لینے پر 20 پینی وصول کیے جائیں۔ یہ پیسے کین یا بوتل خالی واپس لوٹائے جانے پر واپس کر دیے جائیں گے۔
اس اسکیم کے لیے ممکنہ طور پر سپر مارکیٹوں میں اور دیگر اسٹورز میں ریورس وینڈنگ مشین نصب کی جائیں گی جن میں خالی بوتلیں جمع کروا کر واؤچر سے پیسے لیے جاسکیں گے۔
برطانیہ میں ہر سال صارفین تقریباً 14 ارب پلاسٹک کی بوتلیں اور نو ارب کین استعمال کرتے ہیں جن کی بڑی تعداد آخر میں کچرا بنتی ہے یا زمین برد کردی جاتی ہیں۔
حکومت کی جانب سے یہ نئی اسکیم انگلینڈ، ویلز اور شمالی آئرلینڈ میں 2025 میں متعارف کرائی جائے گی، جس کے ساتھ انڈسٹری میں ضروری تبدیلیوں کے لیے کام کیا جائے گا۔ اسکیم کے نفاذ کا مقصد تین سال بعد پلاسٹک کچرے میں 85 فی صد تک کمی لانے کی یقین دہانی کرانا ہے۔
تاہم، اس اسکیم کے تحت شیشے کی بوتلیں ری فنڈ نہیں جائیں گی۔
اس اسکیم کے متعلق سب سے پہلے 13 سال قبل برطانوی وزیر اعظم ڈیوڈ کیمرون نے تجویز پیش کی جس کے بعد 2017 میں اس وقت کے سیکریٹری اسٹیٹ برائے ماحولیات مائیکل گوو نے یہ تجویز پیش کی۔
