ہندوستان کی بلائنڈ کرکٹ ٹیم نے ایشین کپ ٹی ٹونٹی چیمپیئن شپ جیت لی
Jan ۲۴, ۲۰۱۶ ۲۰:۳۰ Asia/Tehran
ہندوستان کی بلائنڈ کرکٹ ٹیم نے ایشین کپ ٹی ٹونٹی چیمپیئن شپ جیت لی ہے۔
سحر عالمی نیٹ ورک کی اسپورٹس ڈیسک کے مطابق بلائنڈ ایشیا کرکٹ ٹی ٹونٹی کپ کے فائنل میں ہندوستان نے پاکستان بلائنڈ ٹیم کو پینتالیس رن سے ہرا کر ایشین چیمپیئن کا اعزاز حاصل کرلیا۔ ہندوستان نے پہلے کھیلتے ہوئے دوسو آٹھ رنز بنائے۔
پاکستان کی بلائنڈ کرکٹ ٹیم کو میچ جیتنے کے لئے دو سو نو رنز درکار تھے تاہم پاکستانی ٹیم صرف ایک سو ترسٹھ رنز بناسکی ۔
ہندوستان کی جانب سے کیتل پٹیل نے چونتیس رنز بنائے جبکہ دیپک ملک نے ٹیم کے اسکور میں چالیس رن کا اضافہ کیا۔ پاکستان کی بلائنڈ ٹیم خاص کارکردگی کا مظاہرہ نہ کرسکی۔
