SAHAR

ایشیا کپ ٹی ٹوئنٹی اور ورلڈ کپ ٹی ٹوئنٹی کے لئے پاکستان کی کرکٹ ٹیم کا اعلان کر دیا گیا۔

نئی اعلان شدہ ٹیم سے احمد شہزاد کو باہر کر دیا گیا ہے جبکہ خرم منظور کو ٹیم میں شامل کیا گیا ہے۔ پاکستان کرکٹ بورڈ کی طرف سے جاری کردہ پریس ریلیز کے مطابق ایشیا کپ اور ورلڈ کپ کے لئے ٹی ٹوئنٹی کی ٹیم کی قیادت شاہد آفریدی کریں گے۔

پاکستانی ٹیم ان کھلاڑیوں پر مشتمل ہے۔ شاہد آفریدی کپتان، محمدحفیظ، خرم منظور، بابر اعظم، سرفراز احمد، شعیب ملک، محمد عرفان، انور علی، محمد عامر، رومان رئیس، عمر اکمل ، عماد وسیم، محمد نواز، افتخار احمد اور وہاب ریاض۔ ایشیا کپ ٹی ٹوئنٹی چوبیس فروری سے بنگلہ دیش میں اور ورلڈ کپ ٹی ٹوئنٹی گیارہ مارچ سے ہندوستان میں کھیلا جائے گا۔