ایشین ویٹ لفٹنگ چیمپیئن شپ، ایران کی دوسری پوزیشن
May ۰۱, ۲۰۱۶ ۰۹:۲۳ Asia/Tehran
-
ایران کی ویٹ لفٹنگ ٹیم نے ان مقابلوں میں سونے کے تین، چاندی کے دو اور کانسی کے دو تمغے جیتے۔
اسلامی جمہوریہ ایران کی قومی ویٹ لفٹنگ ٹیم نے ایشین ویٹ لفٹنگ چیمپیئن شپ میں دوسری پوزیشن حاصل کر لی۔
ارنا کی رپورٹ کے مطابق ایران کی قومی ویٹ لفٹنگ ٹیم نے ہفتے کے روز ازبکستان کے شہر تاشقند میں چھیالیسویں ایشین ویٹ لفٹنگ چیمپیئن شپ میں پانچ سو پوائنٹ حاصل کر کے دوسری پوزیشن حاصل کی۔ اس چیمپیئن شپ میں چین نے پہلی جبکہ میزبان ملک ازبکستان نے تیسری پوزیشن حاصل کی۔
ایران کی ویٹ لفٹنگ ٹیم نے ان مقابلوں میں سونے کے تین، چاندی کے دو اور کانسی کے دو تمغے جیتے۔
واضح رہے کہ چھیالیسویں ایشین ویٹ لفٹنگ چیمپیئن شپ چوبیس اپریل سے ازبکستان کے شہر تاشقند میں شروع ہوئی تھی جو ہفتے کے روز ختم ہو گئی۔
