ایران کیلئے طلائی تمغہ
Jan ۲۸, ۲۰۱۸ ۱۲:۲۹ Asia/Tehran
اسلامی جمہوریہ ایران کے کھلاڑیوں نے دیگر کھیلوں میں عمدہ کارکردگی کامظاہرہ کرنے کے ساتھ ساتھ آئس کلائمبنگ میں بھی بہترکارکردگی کا مظاہرہ کیا۔
کلائمبنگ فیڈریشن کی رپورٹ کے مطابق ، ایرانی کھلاڑی محمد رضا صفدریان نے اتوار کے روز اٹلی میں منعقد ہونے والے عالمی آئس کلائمبنگ ٹورنامنٹ میں اعلی کارکردگی کا مظاہرہ کرتے ہوئے طلائی تمغہ حاصل کرنے کے ساتھ پہلی پوزیشن حاصل کی۔
دوسرے ایرانی کھلاڑی محسن بہشتی نے ان مقابلوں میں چوتھی پوزیشن حاصل کی۔
ایرانی کھلاڑی بیجنگ میں منعقدہ عالمی کپ آئس کلائمبنگ ٹورنامنٹ کے اگلے مرحلے کے لیے شرکت کریں گے۔
