SAHAR

پاک افغان سرحد پر سیکیورٹی فورسز کی فائرنگ سے 3 دہشتگرد ہلاک ہو گئے ہیں۔

سحر نیوز/ پاکستان: پاکستان کی فوج کے ترجمان کی جانب سے دعوی کیا گیا ہے کہ پاکستان افغان سرحد سے خوراجی گروپ نے دراندازی کی کوشش کی، سیکیورٹی فورسزنے بروقت کارروائی کرتے ہوئے 3 دہشتگردوں کو ہلاک کر دیا۔

آئی ایس پی آر کے مطابق شمالی وزیرستان کے ضلع حسن خیل سے دہشتگرد پاکستان میں داخل ہونے کی کوشش کررہےتھے، سیکیورٹی فورسز نے دراندازی کی کوشش کو ناکام بنا دیا ہے۔

فوجی ترجمان نے مزید بتایا کہ پاکستان مستقل عبوری افغان حکومت سے کہتا رہا ہے کہ موثر بارڈر مینجمنٹ کو یقینی بنایا جائے، امید ہے کہ افغان حکومت اپنی ذمہ داریاں پوری کرے گی ۔