SAHAR

فیفا ورلڈکپ دو ہزار اٹھارہ کے میچوں کے دوران روس کے شہر روستوف میں جہاں ورلڈکپ کے کچھ میچ کھیلے جا رہے ہیں ایک ہوٹل میں بم رکھے جانے کی افواہ کے بعد ہوٹل کو خالی کرا لیا گیا-

روسی پولیس نے روسی شہر روستوف کے اس ہوٹل کو خالی کرا لیا ہے جس میں بم رکھے جانے کی افواہ تھی-

روس کے جن شہروں میں ورلڈ کپ کے میچ کھیلے جا رہے ہیں ان میں روستوف بھی شامل ہے- روسی پولیس نے  کہا کہ ہوٹل کو سیکورٹی وجوہات اور بم رکھنے کی افواہ کے بعد خالی کرا لیا گیا-

مقامی ذرائع ابلاغ نے پولیس کے حوالے سے خبر دی ہے کہ ہوٹل اور آس پاس کی جگہوں کی تلاشی کے بعد پولیس کو کوئی بھی مشتبہ چیز نہیں ملی اور پھر صورت حال معمول پر لوٹ آئی-

فیفا دو ہزار اٹھارہ ورلڈ کپ کے مقابلے گذشتہ چودہ جون سے روس میں ہو رہے ہیں اور یہ مقابلے پندرہ جولائی تک جاری رہیں گے-