پاکستان کے مختلف شہروں میں اسلامی جمہوریہ ایران سے اظہار یکجہتی ، امریکی دھمکیوں کی شدید مذمت

Jan ۳۰, ۲۰۲۶ ۱۸:۴۵ Asia/Tehran

پاکستان کے مختلف شہروں میں آج نمازِ جمعہ کے بعد اسلامی انقلاب اور محورِ مقاومت کے حامیوں نے اسلامی جمہوریہ ایران سے یکجہتی اور امریکی دھمکیوں کی مذمت کے لیے احتجاجی مظاہرے کیے

سحرنیوز/پاکستان: ارنا کے مطابق، اسلام آباد میں نمازیوں نے پاکستان کے ٹرمپ کی نام نہاد امن کمیٹی میں شامل ہونے پر احتجاج کیا اور امریکہ کی ایران کے خلاف دھمکیوں کو مسترد کیا۔

مظاہرین نے کہا کہ پاکستانی عوام ایران کے ساتھ شانہ بشانہ کھڑے ہیں۔اسی طرح کراچی اور لاہور میں بھی مظاہرے ہوئے جہاں شرکاء نے صہیونی حکومت کے جرائم اور امریکی جارحانہ پالیسیوں کے خلاف نعرے لگائے۔

ہمیں فالو کریں:

مقررین نے عالمی برادری کی خاموشی پر تنقید کرتے ہوئے کہا کہ ایران کا دفاع دراصل پاکستان کا دفاع ہے۔مظاہرین نے پاکستان کی حکومت سے مطالبہ کیا کہ وہ اس نام نہاد امن کمیٹی میں شمولیت پر نظرِ ثانی کرے، کیونکہ یہ اقدام امن نہیں بلکہ جنگ مسلط کرنے کی کوشش ہے۔

مجلس وحدت مسلمین پاکستان اور امامیہ اسٹوڈنٹس آرگنائزیشن کے رہنماؤں نے بھی امریکی صدر ڈونلڈ ٹرمپ کی جانب سے ایران اور اس کی اعلیٰ قیادت کے خلاف اشتعال انگیز بیانات کی سخت مذمت کی۔