ایران کی کشتی ٹیم ایشیائی مقابلوں کی فاتح
اسلامی جمہوریہ ایران کی گریکو رومن کشتی ٹیم نے چین میں منعقدہ ایشیائی مقابلوں میں اعلی کارکردگی کا مظاہرہ کرتے ہوئے مجموعی طور پر 4 طلائی اور 3 کانسی کے تمغوں کےساتھ پہلی پوزیشن حاصل کرلی۔
ایشیائی گریکو رومن کشتی کےمقابلے 27 اور 28 اپریل کو چین میں منعقد ہوئے جس میں اسلامی جمہوریہ ایران کے پہلوانوں محمد رضا گرایی، سعید عبدولی، حسن نوری اورامیر قاسمی منجزی نے بالترتیب 72، 82، 87 اور 130 کلوگرام کی کیٹگیری میں 4 طلائی تمغے جیت لیے۔
اس کے علاوہ ایرانی پہلوانوں سامان عبدولی، "محمد علی گرایی اورمہدی علیاری نے بالترتیب 63، 77 اور 97 کلوگرام میں 3 کانسی کے تمعے جیت لیے۔
اسلامی جمہوریہ ایران کی ٹیم نے مجموعی طور پر 7 مختلف تمغے اور 165 پوانٹس کیساتھ ایشیائی گریکو رومن کشتی مقابلوں میں پہلی پوزیشن حاصل کرلی۔
ازبکستان اور قزاقستان کی ٹیموں نے بالتریتب 163 اور 134 پوانٹس کےساتھ دوسری اور تیسری پوزیشن حاصل کرلی۔
یاد رہے کہ بدھ کے روز چین میں اڈلٹ پہلوانوں کے فری اسٹائل مقابلے ہوئےجس میں ایران کی قومی ٹیم نے 7 طلائی اور 3 کانسی کے تمغے اپنے نام کرلئے.
ان مقابلوں میں ایران کے بعد ہندوستان اور قزاقستان کی ٹیموں نے دوسری اور تیسری پوزیشن اپنے نام کرلی.
