کرکٹ ورلڈ کپ: انگلینڈٖ اور ویسٹ انڈیز کے مابین آج مقابلہ
Jun ۱۴, ۲۰۱۹ ۰۸:۰۸ Asia/Tehran
آئی سی سی ورلڈ کپ 2019 کا اٹھارہواں میچ بھی بارش کی وجہ سے منسوخ ہو گیا۔
کرکٹ ورلڈ کپ2019 میں آج انگلینڈٖ اور ویسٹ انڈیز کے مابین مقابلہ ہو گا جبکہ اس سے قبل کرکٹ ورلڈ کپ کا اٹھارہواں میچ کل ناٹنگھم میں نیوزی لینڈ اور ہندوستان کے درمیان کھیلا جانا تھا تاہم میچ بارش کے باعث ممکن نہ ہوسکا، مسلسل بارش کی وجہ سے امپائرز نے میچ کو منسوخ کرنے کا فیصلہ کرتے ہوئے دونوں ٹیموں کو ایک ایک پوائنٹ دے دیا۔
ایک پوائنٹ اضافے کے ساتھ نیوزی لینڈ 7 پوائنٹس کے ساتھ پہلے نمبر پر آگئی جبکہ ہندوستانی ٹیم 3 میچوں میں پانچ پوائنٹس کے ساتھ تیسرے نمبر پر موجود ہے۔ نیوزی لینڈ کا اگلا میچ 19 جون کو جنوبی افریقا کے ساتھ شیڈول ہے اور ہندوستان کی ٹیم اگلا میچ اتوار کو پاکستان کے خلاف کھیلے گی۔
