SAHAR

ایران کے صدر نے ایرانی نوجوانوں کی قومی والی بال ٹیم کو 2019 عالمی چیمپئن شپ مقابلوں میں پہلی پوزیشن حاصل کرنے پر مبارکباد دی۔

اسلامی جمہوریہ ایران کے صدر حسن روحانی نے اپنے ایک ٹوئٹ میں عالمی والی بال مقابلوں میں ایرانی نوجوان کھلاڑیوں کی شاندار کامیابی پر کہا کہ وطن عزیز کی قومی والی بال ٹیم میں روشن مستقبل کی جھلک دکھائی دیتی ہے۔

انہوں نے اس شاندار کا میابی پرایرانی قومی ٹیم کے کھلاڑیوں اور کوچزکو مبارکباد پیش کی۔

 اس کے علاوہ ایرانی وزیر کھیل اور ایرانی حکومت کے ترجمان نے بھی الگ الگ پیغامات میں قومی والی بال ٹیم کو عالمی چیمپئن بننے پر مبارکباد دی۔

واضح رہے کہ کامیابی کے جھنڈے گار ڈینے والے ایرانی نوجوان والی بال کھلاڑیوں نے بحریں میں منعقدہ 2019 ورلڈ چیمپئن شپ مقابلوں میں اٹلی کی ٹیم کو جارحانہ انداز میں شکست دے کر پہلی پوزیشن حاصل کی۔