SAHAR

ایران کی پیرا والیبال ٹیم عالمی مقابلوں کے فائنل میں پہنچ گئی ہے۔

ہمارے نمائندے کے مطابق ایران پیرا والیبال ٹیم نے بوسنیا میں جاری پیرا والیبال کے عالمی مقابلوں کے سیمی فائنل میں برازیل کو شکست دی۔
 ایران کی پیرا والیبال ٹیم جاپان اورامریکہ کو شکست دے کر سیمی فائنل میں پہنچی تھی۔
سیمی فائنل میں ایران کی پیرا والیبال ٹیم نے برازیل کو تین صفر سے شکست دی ۔ ایران نے پیرا والیبال ٹورنامنٹ میں  چھے میچ کھیلے اور تمام میچوں میں تین صفر سے برتری قائم رکھی۔
 اس شاندار فتح کے بعد ایران کی پیرا والیبال  ٹیم نے دوہزار چوبیس کے پیرس پیرا المپک کے لیے بھی کوالیفائی کرلیا ہے۔
پیرا والیبال ٹورنامنٹ کا فائنل جمعے کو ایران اور میزبان ملک بوسنیا کی ٹیموں کے درمیان کھیلا جائے گا۔