SAHAR

اطلاعات کے مطابق ماریڈی کے کمشنرولسن تھامس ینگا نے کہا ہے کہ شہرکے دیہی علاقے میں ہونے والے تیل ٹینکر کے اس دھماکے کی زد میں آنے والے مزید سات افراد ہلاک ہوگئے ہیں،

 اس طرح اس دھماکے میں ہلاک ہونے والوں کی تعداد بڑھ کر ایک سو تراسی ہوگئی ہے-

 یہ واقعہ بدھ کے روز اس وقت پیش آیا جب ماریڈی کاؤنٹی کے ایک دیہی علاقے میں سیکڑوں افراد پیٹرول لینے کے لئے تیل ٹینکر کے چاروں طرف جمع تھے کہ اسی وقت ٹینکر الٹ گیا اوراس میں دھماکے سے آگ بھڑک اٹھی۔
جنوبی سوڈان کے ایوان صدر کے ترجمان ایٹینی ویک ( Ateny Wek) نے جمعرات کے روز کہا تھا کہ جلتی سگریٹ کی وجہ سے ٹینکر میں دھماکا ہوا ہے-

جنوبی سوڈان کی حکومت نے اس سانحے پر ملک میں تین روز کے عام سوگ اعلان کیا ہے۔