SAHAR

انڈونیشیا کے ایک رکن پارلیمنٹ نے سعودی عرب سے، حجاج کی لاشوں کو انڈونیشیا منتقل کئے جانے کامطالبہ کیاہے-

ہمارے نامہ نگار کی رپورٹ کے مطابق انڈونیشیا کے ایک رکن پارلمینٹ دوالی صالح نے سعودی عرب سے انڈونیشائی حجاج کی لاشیں منتقل کئے جانے کا مطالبہ کرتے ہوئے کہا ہے کہ اسلامی جمہوریہ ایران کی طرح جکارتا کی حکومت بھی انڈونیشا کے حجاج کی لاشوں کو ان کے ملک منتقل کئے جانے کی خواہاں ہے- انہوں نے کہا کہ شہدائے منی کی لاشوں کا احترام کیا جائے اور ان کی لاشوں کو واپس بھیجا جائے تاکہ ان کے گھر کے افراد انہیں دفن کریں-

انڈونیشیا کے اس رکن پارلمینٹ نے کہا کہ سعودی عرب سے منی کے شہدا کی لاشوں کا واپس لایا جانا شہریوں کےتحفظ کا ایک جزء ہے کہ جس کا انڈونیشیا کے بنیادی آئین میں ذکر ہوا ہے- واضح رہے کہ منی کے تلخ واقعے میں ایران کے چار سو پینسٹھ  حاجی شہید ہوگئے تھے کہ جن میں سے اب تک دو سو اٹھارہ حجاج کی لاشیں ایران منتقل کی جا چکی ہیں-