SAHAR

جنوبی افغانستان میں بائیس طالبان ہلاک اور گرفتار کر لئے گئے ہیں

افغانستان کی سرکاری فوج نے ایک بیان میں کہا ہے کہ سیکورٹی اہلکاروں نے صوبہ ہلمند کے ضلع گرشک اور سنگین میں کارروائی کر کے گیارہ طالبان کو ہلاک اور گیارہ کو گرفتار کر لیا ہے -

افغان فوج کے بیان کے مطابق ضلع سنگین کے گورہ علاقے میں نو طالبان ہلاک اور ایک کمانڈر سمیت چار طالبان کو گرفتار کرلیا گیا ہے- فوج کے مطابق اسی ضلع کے مایگیر علاقے میں دو طالبان کو ہلاک اور ان کی ایک گاڑی کو تباہ کر دیا گیا جبکہ ضلع گرشک کے نہر سراج علاقے میں سات طالبان کو گرفتار کر لیا گیا اور ان کے ہتھیار قبضے میں لے لئے گئے-

عینی شاہدین کا کہنا ہے کہ افغانستان کے سیکورٹی اہلکاروں نے صوبہ ہلمند کے بعض علاقوں کو طالبان کے قبضے سے آزاد کرا لیا ہے-