جاپان میں شدید زلزلہ ، دس افراد ہلاک سیکڑوں زخمی
Apr ۱۵, ۲۰۱۶ ۰۸:۵۵ Asia/Tehran
جاپان میں زلزلے کے شدید جھٹکے محسوس کئے گئے جس کے نتیجے دس افراد ہلاک اور سیکڑوں زخمی ہوگئے
فرانس پریس کی رپورٹ کے مطابق زلزلے کے جھٹکے محسوس ہونے کے بعد دسیوں ہزار افراد، جزیرہ کیوشو چھوڑ کر چلے گئے ہیں - زلزلے کی شدت سے متعدد مکانات گر کر تباہ ہوگئے -
امریکی زلزلہ پیما مرکز کے مطابق ریکٹر اسکیل پر زلزلے کی شدت چھ اعشاریہ دو ریکارڈ کی گئی تھی جس کے بعد چھ اعشاریہ پانچ کے آفٹر شاکس بھی ریکارڈ کئے گئے-
زلزلے کا مرکز کوماٹو شہر کے مشرق میں تھا اور جاپانی حکام نے مزید جانیں تلف ہونے کے بارے میں خبردار کیا ہے- زلزلے سے ہزاروں گھروں کو بجلی کی فراہمی معطل ہوگئ ہے - متاثرہ علاقوں میں امدادی کارروائیاں جاری ہیں-
