میکسیکو میں دھماکہ، تیرہ افراد ہلاک
Apr ۲۱, ۲۰۱۶ ۱۸:۴۶ Asia/Tehran
میکسیکو میں ایک تیل پلانٹ میں ہونے والے دھماکے میں تیرہ افراد ہلاک ہو گئے۔
میکسیکو سٹی سے موصولہ رپورٹ کے مطابق میکسیکو کے جنوب مشرق میں ایک تیل پلانٹ میں ہونے والے شدید دھماکے کے نتیجے میں تیرہ افراد ہلاک ہو گئے۔ میکسیکو کی ہنگامی خدمات کے سربراہ فلپ پوئنٹے نے جمعرات کو کہا کہ کوٹزاکولکوس شہر میں واقع نیشنل تیل کمپنی پیمیکس کے پیٹرو کیمیکل پلانٹ میں بدھ کو دھماکہ ہوا جس کے نتیجے میں درجنوں افراد زخمی بھی ہوئے ہیں۔
بتایا جاتا ہے کہ دھماکہ اتنا زوردار تھا کہ اس کا اثر آس پاس کے دس کلو میٹر تک کے علاقے میں محسوس کیا گیا اور اس دھماکے کی وجہ سے قریبی اسکولوں اور تجارتی مراکز کو خالی کرانا پڑا۔ دھماکے کی وجوہات کا ابھی پتہ نہیں چل سکا ہے۔
