SAHAR

امریکہ اور چین نے شمالی کوریا کے پانچویں ایٹمی تجربے کے جواب میں اس ملک پر پابندی عائد کرنے کے لئے نئی قرار داد کے مسودے پر اتفاق کر لیا ہے

اقوام متحدہ کی سلامتی کونسل میں موجود ایک سفارتکار نے اپنا نام ظاہر نہ کرنے کی شرط پر بتایا ہے کہ امریکہ اور چین نے پیونگ یانگ پر پابندی عائد کرنے پر اتفاق کر لیا ہے لیکن روسی حکام اس میں رکاوٹ ڈالنا چاہتے ہیں البتہ چین کو اس قرارداد پرکوئی اعتراض نہیں ہے-

اقوام متحدہ کے اس سفارتکار نے مسودہ قرارداد کو ایک نہایت مضبوط دستاویز قرار دیا کہ جو شمالی کوریا کے خلاف اقدامات پر عالمی سطح پرپائے جانے والے اختلافات کو ختم کرسکتا ہے- اس رپورٹ کے مطابق اگرچہ اس قرارداد پر روس کے کچھ تحفظات ہیں تاہم ایسا نظر نہیں آتا کہ وہ شمالی کوریا کے خلاف سلامتی کونسل کی نئی تنبیہی قرارداد کے خلاف موقف اختیار کرے گا-