ویانا میں بین الاقوامی ایٹمی سیکورٹی کانفرنس شروع
Dec ۰۵, ۲۰۱۶ ۱۷:۳۵ Asia/Tehran
بین الاقوامی ایٹمی سیکورٹی کانفرنس ویانا میں شروع ہو گئی ہے جس میں ایٹمی توانائی کی عالمی ایجنسی کے رکن ملکوں کے ایٹمی توانائی کے اداروں کے سربراہ اور اعلی حکام شرکت کر رہے ہیں۔
ہمارے نمائندے کی رپورٹ کے مطابق آسٹریا کے دارالحکومت ویانا میں شروع ہونے والی اس بین الاقوامی ایٹمی سیکورٹی کانفرنس کے اہم موضوعات میں ایٹمی تنصیبات میں تخریبی اقدامات اور ایٹمی مواد کی چوری کی روک تھام اور دہشت گرد گروہوں تک رسائی کو روکنے کے لیے ایٹمی مواد کی اسمگلنگ کامقابلہ کرنا شامل ہے۔
ایران کے ایٹمی توانائی کے ادارے کے سربراہ ڈاکٹر علی اکبر صالحی بھی ایک وفد کے ہمراہ اس کانفرنس میں شریک ہیں۔واضح رہے کہ یہ بین الاقوامی کانفرنس جمعہ تک جاری رہے گی۔
