SAHAR

جرمنی کے عوام نے مظاہرہ کر کے اس ملک میں نیٹو کی افواج اور فوجی سازوسامان کی تعیناتی کے خلاف احتجاج کیا ہے۔

پریس ٹی وی کی رپورٹ کے مطابق اس مظاہرے کے شرکا نے، برمرہاون شہر میں مظاہرے کے دوران ایسے پلے کارڈ اٹھا رکھے تھے کہ جن پر اس شہر میں نیٹو افواج اور اس کے فوجی سازو سامان کی تعیناتی کے خلاف نعرے درج تھے-

اس رپورٹ کے مطابق یہ مظاہرے اس کے بعد کئے گئے کہ جب امریکی فوج نے اپنے ستاسی ٹینک اور ایک سو چوالیس بکتر بند گاڑیاں اس شہر کے راستے، جرمنی میں داخل کر دیں- امریکہ روس کو، مشرقی یورپ میں واقع نیٹو ممالک کے لئے خطرہ ظاہر کرنے کے بہانے، اپنے زیادہ سے زیادہ فوجی اور سازو سامان بھیج رہا ہے کہ جس پر ماسکو نے بھی سخت ردعمل ظاہر کیا ہے-