SAHAR

امریکی سینیٹروں نے اوباماکر کی منسوخی کے حق میں ووٹ دیئے ہیں-

امریکی سینٹ، جو اس وقت ریپبلکن کے ہاتھ میں ہے، کے نمائندوں نے جمعرات کو ایک ایسی بجٹ قرار داد کو منظوری دی ہے جو باراک اوباما کے انشورنس منصوبے اوباما کر کی منسوخی کے عمل کا آغاز ثابت ہو گی-

امریکی سینیٹ کی بجٹ قرارداد کے حق میں اکاون ووٹ پڑے جبکہ اس کی مخالفت میں اڑتالیس ووٹ ڈالے گئے- یہ بجٹ قرارداد سینٹ میں طویل بحث کے بعد منظور ہوئی ہے-

بجٹ قرارداد کی منظوری کے دوران ڈیموکریٹ سینیٹر مختلف اصلاحات کے ذریعے اوباما کر منصوبے کے کچھ حصوں کو برقرار رکھنے کی کوشش کر رہے تھے-

امریکی سینیٹ کی داخلی کمیٹی کی منظور شدہ یہ غیر نافذالعمل قرارداد اب امریکی ایوان نمائندگان میں پیش کی جائے گی اور کہا جا رہا ہے کہ ایوان نمائندگان میں جمعے کو اس کا جائزہ لیا جائے گا-

ریپبلکن کا کہنا ہے کہ اس قرارداد کی منظوری، اوباما کر کی منسوخی کے لئے ضروری ہے-

 واضح رہے کہ امریکہ کے نو منتخب صدر ڈونالڈ ٹرمپ، اوباما کر کے سخت مخالفین میں سے ہیں-