SAHAR

ایرانی پارلیمنٹ کے ڈپٹی اسپیکر علی نیک زاد آج پاکستانی سینیٹ کے چیئرمین کی دعوت پر بین الپارلیمانی کانفرنس میں شرکت کے لیے اسلام آباد پہنچ گئے ہیں۔

سحرنیوز/ایران: ذرائع ابلاغ کی رپورٹ کے مطابق اسلام آباد انٹرنیشنل ایئرپورٹ پر ایرانی پارلیمنٹ مجلس شورائے اسلامی کے ڈپٹی اسپیکر اور ان کے ساتھ پارلیمانی وفد کے ارکان کا پاکستانی پارلیمنٹ کے عہدیداروں نے استقبال کیا۔

ایران کے ڈپٹی اسپیکر علی نیک زاد بین الپارلمانی اسپیکرز کانفرنس میں ایران کی نمائندگی کریں گے۔ وہ کانفرس سے خطاب کے علاوہ پاکستان کے پارلیمانی عہدیداروں سے بھی ملاقات کریں گے۔ 

بین الپارلیمانی اسپیکرز کانفرنس آج سے دو دن تک جاری رہے گی۔  پاکستانی سینیٹ  کی میزبانی میں ہونے والی اس کانفرس میں اسلامی جمہوریہ ایران سمیت مختلف ممالک کے وفود شرکت کر رہے ہیں۔