صیہونی وزیراعظم کی بداعنوانیوں کے خلاف مظاہرہ
Jan ۱۵, ۲۰۱۷ ۱۵:۰۰ Asia/Tehran
سینکڑوں اسرائیلیوں نے صیہونی وزیراعظم اور دیگر عہدیداروں کی مالی بدعنوانیوں کے خلاف تل ابیب میں مظاہرہ کیا ہے۔
قدس نیٹ کے مطابق سیکڑوں اسرائیلی، ہفتے کی شب صیہونی حکومت کی وزارت جنگ کی عمارت کے سامنے جمع ہوئے اور بن یامین نیتن یاھو کے خلاف مقدمہ چلانے کا مطالبہ کیا۔
مظاہرین نے صیہونی حکومت کے وزیراعظم کو حاصل قانونی تحفظ بھی ختم کرنے کا مطالبہ کیا۔
یہ مظاہرے ایسے وقت میں ہوئے ہیں جب صیہونی حکومت کی پولیس نے کرپشن اور غیرقانونی دولت جمع کرنے کے معاملے میں نیتن یاھو سے پوچھ گچھ بھی کی ہے۔
صیہونی حکومت کے وزیراعظم بن یامین نیتن یاھو پر، جرمنی سے آبدوزوں کی خریداری کے سودے میں رشوت لینے کا بھی الزام عائد کیا گیا ہے۔
