مسلمانوں کے خلاف تعصب اور نفرت میں اضافے پر اقوام متحدہ کا اظہار تشویش
اقوام متحدہ کے سیکریٹری جنرل انٹونیو گوترش نے مسلمانوں کے خلاف حملوں میں اضافے پر تشویش کا اظہار کرتے ہوئے،دنیا بھر میں فرقہ وارانہ کوششوں کا مقابلہ کیے جانے کی ضرورت پر زور دیا ہے۔
نیویارک میں "مسلمانوں کے خلاف نفرت پھیلانے اور تعصب آمیز رویے سے مقابلے" کے موضوع پر منعقدہ ایک کانفرنس سے خطاب کرتے ہوئے انٹونیو گوترش کا کہنا تھا کہ مسلمانوں کے خلاف متعصبابہ اقدامات میں اضافہ انتہائی تشویشناک ہے۔
انہوں نے کہا کہ مسلمانوں کے خلاف متعصبانہ اقدمات میں روز بروز اضافے کی وجہ سے انسانی عزت و قار کو مسلسل دھچکا لگ رہا ہے۔
اقوام متحدہ کے سیکریٹری جنرل نے کہا کہ تمام لوگ بلا تفریق مذہب و ملت، عظیم انسانی معاشرے کے رکن ہیں اور ہر قوم اورفرقے کے ثقافتی تشخص اور اقدار کا احترام کیا جانا ضروری ہے۔
قابل ذکر ہے کہ بڑے پیمانے پر تارکین وطن کی یورپ کی جانب روانگی کے بعد سے پورے براعظم میں مسلمانوں کے خلاف متعصبانہ اقدامات میں زبردست اصافہ ہوگیا ہے۔
