SAHAR

شمالی کوریا نے بیلسٹک میزائل میں استعمال ہونے والے راکٹ انجن کا ایک اور تجربہ کیا ہے۔

خبر رساں ایجنسی یون ہاپ کے مطابق، امریکی محکمہ دفاع کے دو عہدیداروں نے اپنا نام ظاہر نہ کرنے کی شرط پر بتایا ہے کہ راکٹ انجن کا یہ تجربہ جمعے کی شب کیا گیا۔ ان کا کہنا تھا کہ یہ راکٹ انجن بیلسٹک میزائل میں بھی استعمال کیا جاسکتا ہے۔
ایک ماہ سے بھی کم عرصے میں شمالی کوریا کی جانب سے بیلسٹک میزائل میں استعمال ہونے والے دو راکٹ انجنوں کے تجربات سے اندازہ ہوتا ہے کہ پیانگ یانگ کا میزائل پروگرام تیزی کے ساتھ آگے بڑھ رہا ہے۔
رواں ماہ کی انیس تاریخ کو بھی شمالی کوریا کے رہنما کم جونگ اون نے ملک میں تیار ہونے والے جدید ترین راکٹ انجن کے کامیاب تجربے کا اعلان کیا تھا۔