SAHAR

امریکی وزیر خارجہ نے نیٹو کے یورپی اراکین سے نیٹو کے اخراجات میں اپنی شراکت داری بڑھانے کا مطالبہ کیا ہے

پریس ٹی وی کی رپورٹ کے مطابق امریکی وزیر خارجہ رکس ٹلرسن نے بیلجیئم کے دارالحکومت بریسلز میں نیٹو کے وزرائے خارجہ کے اجلاس کے موقع پر نیٹو کے اراکین سے مطالبہ کیا کہ وہ سن دوہزار سترہ تک نیٹو کے فوجی اخراجات میں شراکت داری بڑھانے پر مبنی صدر ٹرمپ کی درخواست کو عملی جامہ پہنائیں - اب تک نیٹو کے صرف پانچ رکن ممالک نے اپنی دو فیصد ناخالص داخلی پیداوار  کو نیٹو اور دفاعی اخراجات پر صرف کرنے کے وعدے پر عمل کیا ہے- امریکہ کی نئی حکومت کی جانب سے نیٹو کے اخراجات کی ادائگی میں رکن ممالک کی شراکت داری بڑھانے کا موضوع ، با رہا اٹھایا جاتا رہا ہے اور صدرٹرمپ ، نیٹو کے یورپین اراکین پر اپنا حصہ ادا کرنے میں کوتاہی کا الزام لگاتے رہے ہیں -