امریکہ پر بھروسہ کرنے کا دور ختم ہو گیا ہے : نیٹو کے سیکرٹری جنرل کا بیان

Jan ۲۷, ۲۰۲۶ ۱۹:۳۶ Asia/Tehran

نیٹو کے سیکرٹری جنرل مارک روٹے نے کہا کہ وہ دور ختم ہو گیا ہے جب ہم اپنی مشترکہ سلامتی کے لیے امریکہ پر بھروسہ اور انحصار کرتے تھے تاہم اب ہمیں یورپ کی سلامتی کا خود ہی خیال رکھنا ہوگا-

سحرنیوز/دنیا: روٹے نے مزید کہا کہ نیٹو کو سنجیدہ اور طویل مدتی سیکورٹی چیلنجز کا سامنا ہے اس لئے اب یورپ اور کینیڈا کے لیے ضروری ہے کہ وہ اپنے دفاع کی زیادہ ذمہ داری لیں۔ نیٹو کے سیکرٹری جنرل نے کہا کہ دفاعی شعبے میں اتحادیوں کی کوششوں میں مزید تیزی لانا، میرے اور نیٹو کے لیے جولائی میں انقرہ میں ہونے والی اگلی سربراہی کانفرنس کے لیے ایک اہم ترجیح ہوگی۔

ہمیں فالو کریں:

انہون اس بات پر زور دیا کہ مضبوط یورپی دفاع کلیدی اہمیت کا حامل ہے، اور یہ بہت اہم ہے کہ دفاعی شعبے میں یورپی یونین کی کوششیں نیٹو کے ساتھ ہم آہنگ ہوں- نیٹو کے سیکرٹری جنرل نے یہ بھی انکشاف کیا کہ نیٹو میں یوکرین کی رکنیت ایجنڈے میں شامل نہیں ہے۔

روس کے وزیر خارجہ سرگئی لاوروف نے چند روز قبل اعلان کیا تھا کہ امریکہ، یوکرین کی نیٹو میں شمولیت کے کسی بھی سناریو کو روکنا چاہتا ہے اور روس اس کوشش کا واقعی مشاہدہ کر رہا ہے۔