SAHAR

روس کے صدر ولادیمیر پوتین نے امید ظاہر کی ہے کہ افغانستان کا بحران سیاسی طریقے سے حل ہو جائے گا ۔

روس کے صدر ولادیمیر پوتین نے افغانستان میں بحران کے شدّت اختیار کرجانے کا ذکر کرتے ہوئے کہا کہ روس کو امید ہے کہ افغانستان میں بحران کے حل کے لئے تعطل ختم کرنے کے لئے فوجی روانہ کئے جانے کی ضرورت نہیں ہو گی ۔

روس کے صدر نے کہا کہ انھیں امید ہے کہ تاجیکستان میں تعینات روسی فوجیوں سے استفادہ کئے جانے کی ضرورت نہیں ہو گی۔ ولادیمیر پوتین نے افغانستان کے آئین کو تسلیم کئے جانے کی اہمیت پر زور دیتے ہوئے افغانستان میں مسلح گروہوں کو غیرمسلح کرنے اور قومی آشتی کی ضرورت پر تاکید کی ۔

واضح رہے کہ بحران افغانستان کے حل کے لئے اپریل کے مہینے میں ہی دنیا کے بارہ ملکوں کی شرکت سے ماسکو میں اجلاس منعقد ہو رہا ہے۔