امریکہ: فائرنگ سے تین افراد ہلاک
Apr ۱۹, ۲۰۱۷ ۱۰:۱۹ Asia/Tehran
امریکی ریاست کیلیفورنیا میں فائرنگ کے نتیجے میں تین افراد ہلاک ہوگئے ہیں جبکہ حملہ آور کو گرفتار کرلیا گیا ہے۔
رائٹرز کی رپورٹ کے مطابق امریکی ریاست کیلیفورنیا میں فائرنگ کا واقعہ جنوب وسطی شہر فریسنو میں پیش آیا جہاں ایک شخص نے فائرنگ کرکے تین افراد کو ہلاک کردیا ۔
پولیس نے فائرنگ کرنے والے 39 سالہ شخص کو گرفتار کرلیا ہے۔ گرفتار شخص پر گزشتہ ہفتے سکیورٹی گارڈ کے قتل کا بھی الزام ہے۔
واضح رہے کہ امریکہ میں فائرنگ کے واقعات رونما ہوتے رہتے ہیں اور بعض ذرائع کا تو کہنا ہے کہ امریکہ میں اس قسم کے واقعات سے کوئی بھی محفوظ نہیں ہے۔
