SAHAR

ونزوئیلا کے صدر نے امریکی صدر کی جانب سے کاراکاس کے خلاف نئی پابندیاں عائد کئے جانے کی شدید مذمت کی ہے۔

اارنا کی رپورٹ کے مطابق ونزوئیلا کے صدر مادورو نے اپنے ملک کے خلاف عائد کی جانے والی امریکی پابندیوں پر اس ملک کے صدر ٹرمپ کو مخاطب کر کے کہا ہے کہ اب مداخلت بس کرو اور ونزوئیلا سے اپناگندا ہاتھ کھینچ لو۔ٹرمپ انتظامیہ نے جمعرات کے روز ونزوئیلا کے خلاف نئی پابندیوں کا اعلان کیا ہے اور ان پابندیوں میں ونزوئیلا کے صدر مادورو اور ان کے طرفداروں پر دباؤ ڈالا ہے۔واضح رہے کہ ونزوئیلا کو حالیہ برسوں کے دوران کافی اقتصادی مشکلات کا سامنا رہا ہے جس کی وجہ حالیہ چند ہفتوں کے دوران اس ملک کے عوام نے سڑکوں پر نکل کر احتجاج بھی کیا ہے جبکہ مظاہرین اور سیکورٹی اہلکاروں کے درمیان ہونے والی جھڑپوں میں دسیوں افراد ہلاک اور زخمی ہوئے ہیں۔