امریکا میں فائرنگ 71 ہلاک و زخمی
Jun ۱۵, ۲۰۱۷ ۰۹:۲۴ Asia/Tehran
امریکا کی مختلف ریاستوں میں فائرنگ کے واقعات میں کم ازکم 71افراد ہلاک اور زخمی ہوگئے۔
موصولہ رپورٹوں کے مطابق گزشتہ 48 گھنٹوں میں فائرنگ کے زیادہ تر واقعات ریاست مشی گن، میری لینڈ اور کنٹکی میں رونما ہوئے جن میں میں کم از کم 16افراد ہلاک جبکہ رکن کانگریس سمیت 55 زخمی ہوگئے۔
واشنگٹن ڈی سی کے نواح میں فائرنگ کے واقعہ میں کانگریس کے رکن سٹیوسکالس سمیت کم ازکم 3 افراد زخمی ہو گئے ہیں۔
لوزیانا سے منتخب رپبلکن رکن اسکالس دیگر ارکان کانگریس کے ساتھ واشنگٹن ڈی سی سے متصل ورجینیا کے علاقے الیگزنڈریہ کے ایک میدان میں بیس بال کی پریکٹس کر رہے تھے جب ان پر فائرنگ کر دی گئی۔
ادھر امریکی صدر ڈونلڈ ٹرمپ نے اعلان کیا ہے کہ رپبلیکن رکن کانگریس پر فائرنگ کرنیوالا ملزم ہلاک ہوگیا ہے۔
کہا جا رہا ہے کہ واقعے میں پولیس کے دو اہلکار بھی زخمی ہوئے ہیں۔
